Bakıda yağan aramsız yağışlar səbəbindən müğənni Nadir Qafarzadənin evini su basıb.
Hadisə ilə bağlı müğənni sosial şəbəkədə paylaşım edib, videoda evində təmir aparan ustaların işindən narazılığını bildirib.
Evinin son vəziyyəti ilə maraqlanmaq üçün Bakuplus.az-ın əməkdaşı müğənni Nadir Qafarzadə ilə əlaqə saxlayıb. Müğənni yağan güclü yağışın ciddi fəsadlara yol açdığını dilə gətirib:
“Sabahdan evimdə təmir işləri başlayacaq. Ciddi fəsadlar yaranıb. Əsas canımıza bir şey olmadı. Mənzil tam olaraq sıradan çıxdı. Ötən gecə dəhşət idi. Səhərə qədər oyaq qalmışıq. Gecə şiddətli yağış yağırdı. 18-ci mərtəbədə yaşayıram. Şimal tərəfdən yağış bərk vurub, betonların arasından divar su buraxıb. Əgər biz bu hala düşmüşüksə, imkansızları heç düşünə bilmirəm”.
N.Qafarzadə sonda hər şeyin qaydasında olduğunu söyləyib:
“Özüm də, ailə üzvlərim də yaxşıdır. Canımız sağ olsun. Təbii fəlakətdir. Diqqətli olmalıyıq. Dünyasını dəyişənlərə rəhmət diləyirəm”.
Nəzrin Vahid
