“Nəsimi” tankeri əsaslı təmir olunub. Bu haqda aprelin 23-də “Azərbaycan Xəzər Dəniz Gəmiçiliyi” QSC-dən məlumat verilib.
Təmir zamanı tankerin sualtı və suüstü hissələri, göyərtəsi, maşın şöbəsi təmizlənərək rənglənib. Həmçinin baş və köməkçi mühərrik, nasoslar, separatorlar və kompressorlar təmir edilib. Gəminin heyətinə məxsus yaşayış otaqları, sanitar qovşaqlar və yeməkxanalar yenilənib.
Xam neftin daşınmasında istifadə olunan bu tankerin uzunluğu 150, eni 17 metrdir. Yükdaşıma qabiliyyəti isə 14 min tona yaxındır.
