Naxçıvan Muxtar Respublikası ərazisindən tranzit keçməklə Niderland Krallığına unlu qənnadı məmulatları aparan, Türkiyə vətəndaşının idarə etdiyi “Mercedes-Benz” markalı nəqliyyat vasitəsində 113 kiloqram 820 qram heroin aşkar edilib. Bu haqda martın 9-da Report məlumat yayıb.
Həmin nəqliyyat vasitəsinin ardınca eyni daşıyıcı şirkətə məxsus nəqliyyat vasitəsinə Culfa dövlət sərhədindən buraxılış məntəqəsində gömrük baxışı həyata keçirilib. Nəticədə nəqliyyat vasitəsinin qoşqusuna yüklənmiş 32 ədəd taxta paletin ayaqlarında xüsusi üsulla gizlədilmiş 113 kiloqram 835 qram heroin aşkar edilib.
Aşkarlanmış narkotik vasitənin ümumi xalis çəkisi 227 kiloqram 655 qram təşkil edib.
Qeyd olunan faktlarla bağlı cinayət işi açılıb.
