Son 5 ildə Naxçıvan Muxtar Respublikasında arı ailələrinin sayı 40,8% artıb. Bu barədə 10 mart tarixində Muxtar respublikanın Dövlət Statistika Komitəsinə istinadən Azərtac məlumat verib.
Məlumata əsasən, ötən il muxtar respublikada 15 arıçılıq təsərrüfatı yaradılıb. Qeyd edək ki, 1 yanvar 2022-ci il tarixə muxtar respublikada 100 min 86 arı ailəsi mövcuddur. Ötən il arıçılara 505 min manat kredit ayrılıb.
2021-ci ildə Naxçıvanda 1 506 ton bal istehsal edilib. Bu da 2017-ci ilə nisbətən 5,8% çoxdur.
