Naxçıvan gömrükçüləri narkotik qaçaqmalçılığı cəhdinin qarşısını alıb. Bu barədə aprelin 26-da Naxçıvan Muxtar Respublikasının Dövlət Gömrük Komitəsindən məlumat verilib.
Naxçıvandan tranzit keçməklə Türkiyəyə yük aparan nəqliyyat vasitəsi rentgen qurğusundan keçirilməklə yoxlanılıb. Gömrük baxışı zamanı yanacaq və su çənlərində gizli saxlanc yerlərindən 307,9 kiloqram olan maye halında metamfetamin aşkarlanıb.
Faktla bağlı Azərbaycan Cinayət Məcəlləsinin “qaçaqmalçılıq” maddəsinə uyğun olaraq cinayət işi açılıb.
