Azərbaycanda həyata keçiriləcək 2022-2026-cı illər sosial iqtisadi inkişaf strategiyası nəticəsində qeyri-neft ixracının həcminin 1,8 dəfə artırılması nəzərdə tutulub. Bu barədə 8 dekabr tarixində iqtisadiyyat nazirinin müavini Elnur Əliyevə istinadən Trend məlumat verib.
Nazir müavini “Azərbaycan Karyera İnkişaf Forumu”nda çıxışı zamanı qeyd edib ki, növbəti ortamüddətli dövrdə ÜDM-in orta illik real artım tempi 3,9%, qeyri-neft ÜDM-nin artım tempi 5% isə səviyyəsində proqnozlaşdırılır.
Elnur Əliyevin sözlərinə görə, mövcud işçi heyətinin rəqəmsal bilik və bacarıqları artırmalıdır: “Savadlı kadrlar yetişdirməliyik. İstehsalat, sənaye və elm müəssisələri arasında əlaqələr genişləndirilməlidir. Bu gün ali təhsildə texniki, texnoloji, təbiət və kənd təsərrüfatı isxtisaslarına maraq çoxdur. Bu da səbəbsiz deyil. Dördüncü sənaye inqilabının çağırışları nəzərə alınaraq, son iki ildə əsas fokus texniki və texnoloji təbiət ixtisaslarının artırılmasına verilib”.
