Azərbaycanda 2018-ci ildə “Mediasiya haqqında” Qanun qəbul edildikdən sonra boşanmaq istəyən cütlüklərin 40%-i fikrindən daşınıb. Bu haqda dekabrın 8-də Ədliyyə Nazirliyinin rəsmisi Reyhanə Kərimova bildirib.
Onun sözlərinə görə, son illərlə müqayisədə ilk dəfə nikahın pozulma sayının azalması müşahidə edilib. Qeyd edilib ki, 2018-ci ildən indiyədək qeydiyyat şöbəsinə nikahın pozulması üçün müraciət etmiş 5 154 şəxsdən 95%-i psixoloqla görüşüb.
Ölkədə cari ilin yanvar-sentyabr ayları ərzində 12 892 boşanma və 41 067 nikaha daxilolma halları qeydə alınıb. 2020-ci ilin müvafiq dövrü ilə müqayisədə hər 1000 nəfərə düşən həm nikahların, həm də boşanmaların sayı artıb.
