Oktyabrın 28-də Neftçala rayonunun sabiq icra başçısı İsmayıl Vəliyev və onunla birgə saxlanılan digər vəzifəli şəxslərin cinayət işi üzrə məhkəmə prosesi keçirilib.
Sabunçu Rayon Məhkəməsinin inzibati binasında keçirilən prosesdə prokuror İsmayıl Vəliyev barəsində verilən ittihamın məhkəmə istintaqı ilə sübuta yetirildiyini əsas gətirərək onun 11 il azadlıqdan məhrum edilməsini istəyib.
Xatırladaq ki, sabiq icra başçısı vəzifəsindən sui-istifadə edərək təhsil, səhiyyə və digər yerli dövlət təsisatları rəhbərlərindən müxtəlif adlar altında pul vəsaitləri almasına dair əsaslı şübhələr müəyyən olunub. Həmçinin İsmayıl Vəliyevin şəxsən, habelə tabeçiliyində olan digər vəzifəli şəxslər vasitəsi ilə rayonda fərdi sahibkarlıq ilə məşğul olan şəxslərdən müxtəlif adlar altında pul vəsaitləri tələb edərək almasına əsaslı şübhələr müəyyən edilib.
