Parisdə fransalı fotoqraf Qreqori Herpenin “Qarabağ: sülh dövründə” adlı fotosərgisinin açılışı olub. Bu barədə oktyabrın 21-də Report məlumat yayıb.
Sərgidə təqdim olunan şəkillər Birinci Qarabağ müharibəsi zamanı baş verən hadisələri, bu müharibə nəticəsində dağıntıları, eləcə də davam edən yenidənqurma işlərini əks etdirib.
Qreqori Herpe Vətən müharibəsindən sonra cari ilin iyul ayında baş tutan Qarabağ səfərindən danışıb. Fotoqraf ərazinin ermənilər tərəfindən minalanması səbəbindən peşəsini azad şəkildə həyata keçirə bilmədiyini deyib və minaların təmizlənməsinin bu günün ən vacib məsələlərindən olduğunu bildirib.
Tədbirdə iştirak edən Azərbaycanın Fransadakı səfiri Rəhman Mustafayev öz çıxışında regionda münaqişədən sonrakı dövrdə təhlükəsizliyin təmin olunmasından danışıb.
Sərgi Azərbaycanın Fransadakı Səfirliyi, Diasporla iş üzrə Dövlət Komitəsi, Azərbaycanın Fransadakı Dostları Assosiasiyası və Paris Azərbaycan Evinin dəstəyi ilə təşkil edilib. Tədbir Azərbaycan Mədəniyyət Mərkəzində keçirilib.
[gallery size="large" ids="10958,10959,10960"]
