Bakıda 30 kiloqram narkotiklə saxlanılan şəxsə hökm oxunub. Bu haqda Report oktyabrın 8-də məlumat yayıb.
Narkotik vasitələrin və psixotrop maddələrin satışında ittiham olunan Elməddin Əzizov 15 il müddətinə azadlıqdan məhrum edilib.
Polis əməkdaşları sözügedən şəxsin evindən 24,88 kiloqram heroin, 1,87 kiloqram tiryək, 3,27 kiloqram metamfetamin aşkarlayıb. Araşdırma nəticəsində cinayətkarın narkotikləri İran vətəndaşından Masallıda qəbul etdiyi müəyyən edilib. Daha sonra o, narkotikləri Bakıya gətirib və kirayə yaşadığı evdə saxlayıb.
DİN-in məlumatına əsasən, 2021-ci il yanvarın 1-dən bu günə qədər 2,773 ton narkotik, 230 kiloqram psixotrop maddə dövriyyədən çıxarılıb. Ümumilikdə narkotiklə bağlı 6 420 fakt aşkarlanıb.
