Bakıda qadın həyat yoldaşı tərəfindən döyülüb. Nəticədə onun 5 qabırğası sınıb. Bu haqda 5 yanvar tarixində Report məlumat yayıb.
Hadisə Səbail rayonunda baş verib. Ər 47 yaşlı həyat yoldaşını ailə münaqişəsi zəminində döyüb. Zərərçəkmiş təcili tibbi yardımın köməkliyi ilə xəstəxanaya çatdırılıb.
Müayinə zamanı ona sol tərəfli 5 ədəd qabırğanın sınığı və döş qəfəsin küt travması diaqnozları qoyulub.
Polis hadisənin təfərrüatını araşdırır.
Baş Prokurorluğun məlumatına əsasən, 2021-ci ilin 9 ayı ərzində baş verən qəsdən adam öldürmə və adam öldürməyə cəhd cinayətləri nəticəsində 51 qadın həyatını itirib. Xəsarət alanların sayı isə 24 təşkil edib. Vətəndaşlar qadına qarşı zorakılıq halları ilə üzləşdikdə Baş Prokurorluğun “961” Çağrı Mərkəzinə müraciət edə bilərlər.
