Prokuror Bakıda həyat yoldaşını çəkiclə öldürmək istəyən şəxsin 7 il 10 ay 15 gün azadlıqdan məhrum edilməsini istəyib. Proses Bakı Ağır Cinayətlər Məhkəməsində keçirilib. Bu haqda aprelin 6-da Report məlumat yayıb.
Növbəti iclas aprelin 11-nə təyin edilib.
Hadisə 2021-ci ilin oktyabrında Bakının Binəqədi rayonunda qeydə alınıb. Ər mübahisə zamanı 53 yaşlı həyat yoldaşının baş nahiyəsinə çəkiclə çoxsaylı zərbələr vurub.
Faktla bağlı “qəsdən adam öldürməyə cəhd etmə” maddəsilə cinayət işi başlanıb.
Azərbaycanda 2021-ci il ərzində 1 499 cinayət hadisəsi məişət zorakılığı ilə bağlı olub. Nəticədə 1 536 nəfər zərər çəkib. Onların 79%-ini qadınlar təşkil edib. Vətəndaşlar qadına qarşı zorakılıq halları ilə üzləşdikdə Baş Prokurorluğun “961” Çağrı Mərkəzinə müraciət edə bilərlər.
