Qəbul imtahanlarına hazırlaşan abituriyentlərə və buraxılış sinif şagirdlərinə, magistratura, doktorantura və dövlət qulluğuna hazırlaşanlara https://otk.az/ portalı vasitəsilə onlayn sınaq imtahanları keçirilir. Bu barədə dekabrın 21-də Dövlət İmtahan Mərkəzindən məlumat verilib.
Hazırda portalda Azərbaycan və rus bölmələri üzrə 9 və 11-ci sinif şagirdləri üçün buraxılış imtahanları və I-IV ixtisas qrupları üzrə qəbul imtahanının ikinci mərhələsinə uyğun yeni sınaq imtahanları yerləşdirilib.
Bundan əlavə, yaxın vaxtlarda dekabrın 19-da keçirilən ali təhsil müəssisələrinə qəbul imtahanının ikinci mərhələsi üzrə sınaq imtahanı da həmin portala yerləşdiriləcək.
İştirak haqqı 3-5 manat məbləğində müəyyən edilir.
İmtahan başa çatan kimi iştirakçılar nəticələrini əldə edə, yenidən test tapşırıqlarına baxa və öz cavabları ilə düzgün cavabları müqayisə edə bilərlər.
