Xəzər dənizinin Bakı şəhəri akvatoriyasında, Kür çayı və Mingəçevir su anbarında balıq ovlayan şəxslər saxlanılıb. Bu barədə 26 aprel tarixində Ekologiya və Təbii Sərvətlər Nazrliyi məlumat verib.
Məlumata əsasən, araşdırma zamanı brakonyerlərin Bakı şəhər sakini, Mingəçevir şəhər sakini, Yevlax rayon sakini və Ağstafa rayon sakini olduqları müəyyən edilib, onlardan istifadəsi qadağan olunmuş ov alətləri götürülüb.
Qeyd edilib ki, faktlarla bağlı qanun pozucuları barəsində protokol tərtib olunub və qanunamüvafiq tədbirlər görülüb. Ölkə ərazisində keçirilən nəzarət tədbirləri zamanı su hövzələrindən ümumilikdə 2750 metr uzunluğunda sintetik tor yığışdırılıb.
