Dünən, oktyabrın 21-də UEFA Konfrans Liqasının qrup mərhələsində 3-cü turun oyunları keçirilib. “Qarabağ” öz meydanında Qazaxıstanın “Kayrat” klubuna 2:1 hesabı ilə qalib gəlib.
İlk hissədə 0:1 hesabı ilə məğlub olan Qurban Qurbanovun yetirmələri ikinci hissədə rəqibin qapısından 2 cavabsız top keçirərək qalib tərəf olub. 79-cu dəqiqədə Ramil Şeydayev, oyunun artırılma dəqiqələrində isə Abbas Hüseynov fərqlənib.
H qrupunda digər oyunda “Bazel” öz meydanında “Omoniya”ya 3:1 hesabı ilə qalib gəlib. Beləliklə, 3 turdan sonra “Qarabağ”ın və “Bazel”in hesabında 7 xal var və qrupda ilk iki yeri bölüşdürürlər.
“Qarabağ” növbəti görüşü noyabrın 4-ü səfərdə “Kayrat”a qarşı keçirəcək.
