Bugün, noyabrın 4-də UEFA Konfrans Liqasının qrup mərhələsinin növbəti oyunları keçiriləcək. 4-cü turda “Qarabağ” Qazaxıstanın “Kayrat” klubunun qonağı olacaq.
Qarşılaşma Bakı vaxtı ilə saat 19:30-da başlayacaq. Matçı moldovalı FIFA referisi Dumitri Muntyan idarə edəcək. Oyun Almatı şəhərində “Ortalık” stadionunda keçiriləcək.
H qrupunun digər oyununda “Omoniya” “Bazel”i qəbul edəcək. Hazırda 3 turdan sonra 7 xal toplayan Qurban Qurbanovun yetirmələri qrupda 2-ci yerdədir. Ötən turlarda Ağdam təmsilçisi öz meydanında “Bazel”lə heç-heçə edib, səfərdə “Omoniya”ya və öz meydanında “Kayrat”a qalib gəlib. Bugün Ağdam təmsilçisi pley-offa vəsiqəni təmin edə bilər. Bunun üçün Qurban Qurbanovun yetirmələri qalib gəlməlidir, “Bazel” isə “Omoniya”ya uduzmamalıdır.
