Bugün UEFA Konfrans Liqasının qrup mərhələsinin son turunun oyunları keçiriləcək. “Qarabağ” İsveçrədə “Bazel”in qonağı olacaq.
Oyun Bakı vaxtı ilə saat 00:00-da Sent Yakob-Park stadionunda keçiriləcək. Qarşılaşmanı xorvatiyalı FİFA referisi Fran Yoviç idarə edəcək.
Qeyd edək ki, Qurban Qurbanovun yetirmələri qalib gələcəyi təqdirdə qrupda 1-ci yeri tutacaq və birbaşa ⅛ finala vəsiqə qazanacaq. Ağdamlılar qalib gələ bilməsələr qrupda 2-ci yerdə qalacaqlar və UEFA Avropa Liqasında qrupda 3-cü yeri tutacaq kollektivlərin biri ilə pley-off mərhələsində oynayacaq.
Qrupun digər oyununda “Omoniya” “Kayrat”ı qəbul edəcək.
