Dünən, noyabrın 5-də UEFA Konfrans Liqasının qrup mərhələsində 4-cü turun oyunları keçirilib. “Qarabağ” səfərdə Qazaxıstanın “Kayrat” klubuna 1:2 hesabı ilə qalib gələrək tarixində ilk dəfə qrup mərhələsini adlayıb.
İlk hissə 0:0 hesabı ilə bitsə də, ikinci hissədə Qurban Qurbanovun yetirmələri Vadji və Zubirin qolları sayəsində qələbə qazana biliblər. Qazaxıstan təmsilçisinin yeganə qolunun müəllifi Kante olub.
H qrupunun digər oyununda “Bazel” səfərdə “Omoniya” ilə 1:1 hesabı ilə heç-heçə edib. Beləliklə, 4 turdan sonra “Qarabağ”ın hesabında 10 xal var və qrupda birinci yerdədir. Qalan oyunların nəticəsindən asılı olmayaraq Ağdam təmsilçisi ən azı 2-ci yeri təmin edib.
Qeyd edək ki, “Qarabağ” qrupda 1-ci yeri tutsa birbaşa ⅛ finala, ikinci yeri tutsa isə pley-off mərhələsində UEFA Avropa Liqasının qrup mərhələsində 3-cü yeri tutan kollektivlərin biri ilə oynayacaq.
“Qarabağ” növbəti görüşünü noyabrın 25-i öz meydanında “Omoniya”ya qarşı keçirəcək.
