Azərbaycan milli komandasının və “Qarabağ”ın sabiq futbolçusu Vüqar Nadirovun atasının məzarı tapılıb.
QOL.az-ın xəbərinə görə, məzar Ağdam rayonunda yerləşir. Ermənistanın işğalı zamanı onminlərlə azərbaycanlının qəbri kimi Vüqar Nadirovun atası Ərşad Nadirovun da qəbri dağıdılıb və Ağdam azad olunduqdan təxminən 4 il yarım sonra çətinliklə aşkarlanıb.
Ərşad Nadirov birinci Qarabağ müharibəsinin qəhrəman döyüşçülərindən idi. “General Ərşad” ləqəbli Nadirov 1993-cü ilin iyulun 22-də, 43 yaşında şəhid olub və Ağdam rayonunda dəfn edilib.
Hazırda “Şəmkir” komandasının baş məşçqisi olan V.Nadirov dünən işğaldan azad edilən Ağdam rayonuna səfəri zamanı atasının tapılan məzarına baş çəkib. Şəkillərdən görünür ki, Ə.Nadirovun da qəbri dağıdılıb və lentlə əhatəyə alınıb.
Qeyd edək ki, Ə.Nadirov “Qarabağ” Futbol Klubunun prezidenti olmuş Adil Nadirovun qardaşıdır.
[gallery size="full" ids="221342,221343,221344"]
