Bakıda qardaşını qətlə yetirən şəxsə bəraət verilib. Hökm dekabrın 8-də Bakı Ağır Cinayətlər Məhkəməsində keçirilən prosesdə elan olunub.
Hökmə əsasən, bu ilin martında Nəsimi rayonunda qardaşı ilə dava zamanı onu ürəyindən bıçaqlayaraq qətlə yetirənin əməlində cinayət tərkibi olduğu sübut olunmadığı üçün o sərbəst buraxılıb.
Qeyd edilib ki, təqsirləndirilən şəxs zəruri müdafiə həddini aşmayıb, qardaşı ilə dava zamanı özünü müdafiə etmək üçün onu vurub.
Bu ilin mart ayında 1969-cu il təvəllüdlü şəxs qardaşı ilə dava edib. Daha sonra qardaşının ürək nahiyəsinə bıçaq zərbəsi vuraraq onu qətlə yetirib. Dava zamanı özü də çoxsaylı bıçaq xəsarətləri aldığından xəstəxanaya yerləşdirilib.
