Şirvanda bir ailənin üzvləri, Qazaxda isə 2 nəfər dəm qazından zəhərlənib. Bu barədə dekabrın 31-də Report məlumat paylaşıb.
Məlumata görə, Şirvan şəhəri T. İsmayılov küçəsində 65 yaşlı vətəndaş və onun 35 yaşlı oğlu, 36 yaşlı qadın və 9 yaşlı uşaq evlərində dəm qazından zəhərləniblər.
Ailə üzvləri Şirvan Şəhər Mərkəzi Xəstəxanasına yerləşdiriliblər. Xəstəxanada onlara ilk tibbi yardım göstərilib.
Bununla yanaşı, 49 və 35 yaşlı Qazax rayon sakinləri şəhərin Bakı küçəsində yerləşən mənzillərində dəm qazından zəhərləniblər.
Onların vəziyyətləri orta-ağır qiymətləndirilir.
Faktlarla bağlı araşdırmalar davam edir.
