Sabirabad rayonunun Nəsimi kəndində Qubadlıdan olan arıçıların doğma yaylaqlara yola salınması ilə bağlı tədbir keçirilib. Bu barədə 26 aprel tarixində Kənd Təsərrüfatı Nazirliyi məlumat verib.
Məlumatda bildirilib ki, arıçı fermerlərə mina və partlamamış sursatla çirklənmiş ərazilərdə davranış qaydaları izah olunub.
Keçirilən tədbirdə Nazirliyin nümayəndəsi bildirib ki, 2021-ci ildə Kəlbəcər və Laçın yaylaqlarına arıçılıq və qoyunçuluq təsərrüfatlarının köçürülməsinə dair həyata keçirilmiş pilot layihə uğurla nəticələnib.
Qeyd olunub ki, bu il Qubadlı rayonuna 38 arıçılıq təsərrüfatının köçürülməsi nəzərdə tutulub. Ümumilikdə Qubadlı yaylaqlarına 2207 arı ailəsi köçürüləcək.
[URIS id=44420]
