Azərbaycandakı sahibkarların 60%-i yeni texnologiyalara pul qoymaqda maraqlıdır. Bu barədə 28 aprel tarixində Report rəqəmsal inkişaf və nəqliyyat naziri Rəşad Nəbiyevə istinadən məlumat verib.
Nazirin sözlərinə görə, COVID-19 dönəmində yalnız ölkə sahibkarları deyil, dünya sahibkarları öz biznes modellərinə yenidən baxmaq məcburiyyətində qaldılar: “PWC şirkətinin bu yaxınlarda apardığı sorğuya əsasən, bizim sahibkarların təxminən 60%-i yeni texnologiyalara yatırım etmək təşəbbüsündədir”.
Rəşad Nəbiyev bildirib ki, sahibkarların işçilərə olan tələbi “sən bu gün nə bilirsən” tələbi ilə deyil, “sən qısa müddətdə nə öyrənə bilərsən” istiqamətindədir.
