“Özəl sektorun inkişafı“ layihəsinin çərçivəsində ölkə regionlarında fəaliyyət göstərən sahibkarlar üçün təlimlər keçirilir. Bu barədə 20 dekabrda Kiçik və Orta Biznesin İnkişafı Agentliyinin saytında məlumat verilib.
Göyçay rayonunda keçirilən tədbirdə fermerlər nar bağlarının salınması, məhsul yığımı və yığımdan sonra idarə etmə tədbirləri, məhsulun qablaşdırılması barədə məlumatladırılıblar.
Lənkəranda təşkil olunmuş təlimdə isə mənşə sertifikatı və bunun üçün nəzərdə tutulan dövlət rüsumu, mənfəət vergisi, gömrük rəsmiləşdirilməsi haqqında ətraflı məlumat verilib.
