Prezidentlər Zəngilanda “Dost Aqropark”ın təməlini qoyublar. Onlar, həmçinin “Ağıllı kənd” layihəsi çərçivəsində görülən işlərlə tanış olublar.
***
15:12
İlham Əliyev və Rəcəb Tayyib Ərdoğan Horadiz-Cəbrayıl-Zəngilan-Ağbənd avtomobil yolunun təməlini qoyublar. Bundan öncə dövlət başçıları Əhmədbəyli-Füzuli-Şuşa avtomobil yolunda tikinti işlərinin gedişi ilə tanış olublar.
***
13:45
Füzuli Beynəlxalq Hava Limanının açılışı olub. Azərbaycan və Türkiyə prezidentləri aeroportun açılış lentini kəsiblər. Dövlət başçılarına, həmçinin aeroportun rəmzi açarları təqdim olunub.
***
13:08
Türkiyə Prezidenti Rəcəb Tayyib Ərdoğanın oktyabrın 26-da Azərbaycana bir günlük səfəri başlayıb. Dövlət başçısının təyyarəsi Füzuli Beynəlxalq Hava Limanına enib.
Qonşu ölkənin prezidentini müdafiə naziri Hulusi Akar, xarici işlər naziri Mövlud Çavuşoğlu və digər dövlət orqanlarının nümayəndələri müşayiət edirlər.
Səfər proqramı çərçivəsində Azərbaycan və Türkiyə prezidentləri Füzulidə aeroportun açılışında iştirak edəcəklər. Daha sonra İlham Əliyev və Rəcəb Tayyib Ərdoğan Füzulidə yeni avtomobil yolunun, Zəngilanda isə “Ağıllı aqropark”ın təməllərini qoyacaqlar.
[URIS id=11410]
