Rumıniya Parlamentinin nümayəndə heyəti aprelin 28-də Şuşa şəhərinə gedib. Bu barədə məlumat Milli Məclisin Facebook hesabında paylaşılıb.
Qonaqlar Qala divarları, Yuxarı Gövhər ağa, Aşağı Gövhər ağa məscidləri ilə tanış olublar, Cıdır düzünə və Şəhər meydanına baş çəkiblər. Onlara işğaldan azad edilmiş ərazilərdə aparılan bərpa işləri haqda məlumat verilib.
Səfər çərçivəsində xarici ölkənin rəsmiləri yeni istifadəyə verilmiş Füzuli Hava Limanında da olublar. Bildirilib ki, qısa müddətdə tikilmiş bu hava limanı həm yük, həm də sərnişin təyyarələrini qəbul etmək imkanına malikdir.
[URIS id=45184]
