Gəndob-Xaçmaz-Yalama Rusiya ilə dövlət sərhədi avtomobil yolunun 6-cı kilometrindən ayrılan Padar yolu yenidən qurulub. Bu barədə oktyabrın 12-də Azərbaycan Avtomobil Yolları Dövlət Agentliyi məlumat yayıb.
Padar kəndinə gedən yolun uzunluğu 2,5 kilometr təşkil edir. Layihənin sonuncu mərhələsində yol nişanları, kilometr göstəriciləri və siqnal dirəkləri quraşdırılıb, üfüqi nişanlanma xətləri çəkilib.
Yenidənqurma işləri kənd əhalisinin gediş-gəlişinin rahatlaşmasına gətirib çıxarmaqla bərabər, yük və sərnişin daşımasını da asanlaşdıracaq.
