Bakı-Bişkek aviareyslərinin açılması ilə bağlı danışıqlar aparılır. Bunu dekabrın 21-də Qırğızıstanın Azərbaycandakı fövqəladə və səlahiyyətli səfiri Kayrat Osmonaliyev bildirib.
Diplomatın sözlərinə əsasən, Qırğızıstanda 21 min azərbaycanlı yaşayır və bu aviareysin tezliklə açılması ilə bağlı müraciətlər edilir.
“Eyni zamanda, Bişkek ilə Bakı şəhərlərinin qardaşlaşmasını və bununla bağlı prosesin həyata keçirilməsini istəyirik. O cümlədən Oş şəhərinin Şuşa, yaxud Gəncə ilə qardaş şəhərlər elan olunmasını da təklif edirik”, - deyə K.Osmonaliyev qeyd edib.
Səfir, həmçinin gələn il Bakıda “Qırğızıstan mədəniyyət günləri”nin də keçiriləcəyini nəzərə çatdırıb.
