Milli Hidrometeorologiya Xidmətindən verilən məlumata görə, Bakıda və Abşeron yarımadasında yanvarın 13-də bəzi yerlərdə duman, çiskin olacağı gözlənilir. Axşam saatlarında isə yağış yağacağı ehtimalı var.
Mülayim cənub-qərb küləyi gündüz şimal-qərb küləyi ilə əvəz olunacaq, arabir güclənəcək.
Havanın temperaturu Bakıda gecə müsbət 5-7°, gündüz müsbət 8-10° olacaq.
Rayonlarda havanın arabir yağıntılı olacağı, bəzi yerlərdə qar yağacağı, duman olacağı gözlənilir. Qərb küləyi ayrı-ayrı yerlərdə arabir güclənəcək. Havanın temperaturu gecə müsbət 1-6°, gündüz müsbət 7-12°, dağlarda gecə 3-8° şaxta, gündüz 1-6° isti olacaq.
