Sabah, mayın 4-dən ümumi təhsil müəssisələrinin birinci siniflərinə şagird qəbulu başlayır. Bu haqda Bakı Şəhəri üzrə Təhsil İdarəsi məlumat yayıb.
Qəbul prosesi elektron portal vasitəsilə aparılacaq. Azərbaycan bölməsi üzrə məktəb seçimi prosesinə mayın 6-dan başlanılacaq. Həmin tarixdən tədris digər dillərdə aparılan məktəblərin birinci siniflərinə qəbulla bağlı müsahibəyə yazılmaq üçün qeydiyyata da start veriləcək.
Müsahibəyə yazılma mərhələsi mayın 30-da bitəcək. Bu mərhələdən uğurla keçənlər üçün məktəb və müəllim seçimi mərhələsi 11-18 iyun tarixlərində keçiriləcək.
Qeyd edilib ki, elektron qeydiyyat prosesi sentyabrın 14-ü başa çatacaq.
