Aqrar Xidmətlər Agentliyinin Bitki Mühafizəsi və Fumiqasiya (zərərsizləşdirmə) Mərkəzi tərəfindən 2021-ci il ərzində 169 min m3-dən çox meşə meterialı, 267 min tondan çox dənli və dənli-paxlalı bitkilər, 32 min m3-dən çox yaş meyvə-tərəvəz, 1,2 milyon m2-dən çox istixana zərərsizləşdirilib. Bu haqda yanvarın 10-da Kənd Təsərrüfatı Nazirliyinin saytında məlumat verilib.
Keçirilən tədbirlər nəticəsində idxal olunan məhsullarda zərərvericilərin ölkə ərazisinə daxil olmasının qarşısı alınıb. Eyni zamanda, ixrac olunan məhsullarda alıcı ölkələr tərəfindən heç bir zərərverici aşkar olunmayıb. Bununla da Azərbaycan məhsullarının xarici bazarlara çıxma potensialının artmasına şərait yaradılıb.
Fumiqasiya zərərverici həşəratların və digər zərərli orqanizmlərin məhv edilməsi üçün görülən tədbirlərdir. Bu proses məhsulların becərilməsi, saxlanması, daşınması, satışı və ixracı ilə məşğul olan hüquqi və fiziki şəxslər üçün məcburidir.
Xidmətdən istifadə etmək üçün sahibkarlar Bitki Mühafizəsi və Fumiqasiya Mərkəzinə telefon (012-563-58-45 (daxili:126); 050-644-74-15; 070-965-62-14) və ya poçt ([email protected]) vasitəsilə müraciət edə bilər.
