2022-ci il özünüməşğulluq tədbirlərinin təşkili üçün dövlət büdcəsindən 76 milyon manat ayrılıb. Bu göstərici cari illə müqayisədə 7,5 milyon manat çoxdur. Bu barədə Sahil Babayevin Milli Məclisin iclasındakı çıxışına istinadən Sputnik Azərbaycan noyabrın 10-da məlumat verib.
Onun sözlərinə görə, gələn il 10 min ailə işsizlikdən sığorta fondu, 6 min ailə Dünya Bankı, 500 ailə isə sosial tərəfdaşlar hesabına maliyyələşdiriləcək. Həmin şəxslər üçün kiçik ailə təsərrüfatının yaradılması planlaşdırılır.
Bundan əlavə, məşğulluq tədbirlərinin həyata keçirilməsi üçün 8,5 milyon manat vəsait ayrılacaq. Bu proqramlar nəticəsində 54 min nəfərə müvafiq peşə dəstəyi xidməti göstəriləcək.
