Şəkidə gənc ananın ölüm səbəbi məlum olub.
Tibbi Ərazi Bölmələrini İdarəetmə Birliyindən (TƏBİB) İnsanoid.com-a verilən məlumata görə, fevralın 14-də 1998-ci il təvəllüdlü hamilə qadın Şəki Perinatal Mərkəzə müraciət edib:
“Ona “38 həftəlik hamiləlik, uşaqlıq üzərində ikiçapıq” diaqnozu qoyulub və həmin gün saat 11:50-də cərrahi yolla doğuş prosesi icra olunub, sağlam körpə dünyaya gəlib. Bir gün sonra – yəni fevralın 15-də günorta saatlarında zahı qadının halı pisləşib, boğulmadan şikayət edib.
Dərhal Anesteziologiya, reanimasiya və intensiv terapiya şöbəsinə yerləşdirilən zahı pasiyentə təxirəsalınmaz reanimasiyon tədbirlər göstərilib. Həkimlərin çoxsaylı xilasetmə cəhdlərinə baxmayaraq, saat 14:15-də şəxsin ölüm faktı qeydə alınıb. Meyit təşrih olunması üçün aidiyyəti üzrə təhvil verilib”.
Nəzrin Vahid
***
10:29
Şəkidə ana doğuşdan sonra ölüb.
Report.az xəbər verir ki, Şəki rayonunun Zunud kənd sakini Nigar Qarayeva fevralın 14-də qeysəriyyə yolu ilə uşaq dünyaya gətirib.
O, bir gün sonra Şəki Perinatal Mərkəzdə ölüb.
