Salyanda 25 yaşlı oğlan yetkinlik yaşına çatmayan qızla cinsi münasibətdə olub.
İnsanoid.com-un əldə etdiyi məlumata görə, hadisənin istintaqı Göygöl Rayon Məhkəməsində keçirilib.
Belə ki,təqsirləndirilən Əli Səmədov (ad şərtidir) 2000-ci ildə Salyan rayonunda anadan olub. O, tanış olduğu 2008-ci il təvəllüdlü zərərçəkmiş Zəhra Quliyevanı (ad şərtidir) Göygöl rayonu “Azos” adlanan əraziyə aparıb. Əli avtomobilin salonunda qızın 16 yaşına çatmadığını bildiyi halda onunla cinsi münasibətdə olub.
Əli Səmədov Azərbaycan Respublikası CM-nin 152.1-ci (on altı yaşına çatmayan şəxslə seksual hərəkətlər) maddəsi ilə təqsirləndirilib.
Məhkəmədə təqsirləndirilən şəxs qismində dindirilən Əli Səmədov özünü təqsirli bilib:
“Zəhranı 2022-ci ildə market yaxınlığında görüb tanımışam. Biraz baxışdıqdan sonra kağıza nömrəmi yazıb avtomobildən ona doğru atdım. Oradan uzaqlaşdıqdan 5-10 dəqiqə sonra Zəhra zəng etdi. Həmin gündən danışmağa başladıq. 10 gün sevgili olduqdan sonra münasibətimiz dərinləşdiyi üçün ona cinsi münasibətdə olmaq istədiyimi dedim. Zəhra da bakirəliyinin pozulduğunu, təbii yolla cinsi əlaqədə ola biləcəyini bildirdi. Hadisə günü də bir dəfə cinsi münasibətdə olduq. 4-5 gün danışdıqdan sonra əlaqə kəsildi”.
Daha sonra məhkəmədə zərərçəkmiş Zəhra Quliyeva ifadə verib:
“Anamla birlikdə yaşayıram. İlk dəfə Teymur adlı şəxslə evlənib, cinsi əlaqədə olduq. 4-5 ay birlikdə yaşadıqdan sonra boşandıq. Əli ilə market yaxınlığında tanış olmuşuq. Onun arxamca gəldiyini gördüm. 5-10 dəqiqə sonra mobil nömrəsini kağıza yazaraq mənə atdı. Bir az keçdikdən öz nömrəmlə ona zəng etdim. Həmin gündən danışmağa başladıq. 10-15 gün sonra mənə cinsi münasibətdə olmağı təklif etdi, mən də razılaşdım. Heç bir şikayətim yoxdur”.
Tərəflərin çıxışından sonra Əli Səmədov 6 ay müddətində azadlıqdan məhrum edilib.
Fidan İlqar
