Lerikdə əlillik sənədləri vermək adı ilə vətəndaşlardan pul alan həkim və onunla əlbir olan Şirvan şəhər sakini həbs edilib. Bu barədə dekabrın 15-də Baş Prokurorluq məlumat yayıb.
Müəyyən olub ki, Şirvan sakini Adil Zərbiyev 2019-cu ildə Sabirabad və Şirvan sakinlərinə əlillik dərəcəsi təyin etdirəcəyini vəd edib. O, vətəndaşları aldadaraq 9 500 manat pulu ələ keçirib və onları vəzifəli şəxsə rüşvət verməyə təhrik edib.
Həmçinin sözügedən şəxs Lerik Rayon Mərkəzi Xəstəxanasında psixiatr-həkim vəzifəsində çalışan Balaş Təhməzov ilə əlbir olaraq 6 min manat məbləğində pulu dələduzluq yolu ilə ələ keçirib.
Adil Zərbiyev və Balaş Təhməzov “qabaqcadan əlbir olan bir qrup şəxs tərəfindən törədilən dələduzluq”, “təkrar dələduzluq”, “rüşvət verməyə təhrik etmə”, “rəsmi sənədləri saxtalaşdırma və istifadə etmə” və digər maddələr ilə ittiham edilib.
