“Yaşar Əliyevin 20 Yanvar qətliamının lentə alınaraq dünyaya yayılmasında birbaşa rolu olub”. Bunu Milli Məclisin deputatı, Azərbaycanın Çində keçmiş səfiri olmuş mərhum Yaşar Əliyevin kürəkəni Siyavuş Novruzov deyib.
Bu barədə 9 dekabr tarixində Report məlumat verib.
O qeyd edib ki, Yaşar müəllim hər zaman dövlətə yaxın insan olub.
“Prezident İlham Əliyevin və ümummilli lider Heydər Əliyevin siyasətini dəstəkləyib. O, ümummilli liderlə yaxın dost olub. Azərbaycanın çətin vaxtlarında 20 Yanvar hadisələrində dövlətinin və xalqının yanında olub. O, 20 Yanvar hadisələrində “Semaşko” xəstəxanasının baş həkimi idi. Qanlı yanvar faciəsində yaralılara və onların yaxınlarına köməklik göstərib. Yaşar müəllimin o qətliamın lentə alınaraq dünyaya yayılmasında birbaşa rolu olub”.
Qeyd edək ki, Azərbaycanın Çindəki keçmiş səfiri Yaşar Əliyev dekabrın 8-də dünyasını dəyişib. O, dekabrın 9-da Yasamal qəbiristanlığında dəfn olunub.
