2021-ci ilin 3-cü rübündə SOCAR-ın istismar etdiyi yataqlardan 2 milyon tona yaxın neft və 2 milyard kubmetrə yaxın qaz hasil olunub. Bu da ötən ilin eyni dövrü ilə müqayisədə müvafiq olaraq 10% və 9% çoxdur. Bu barədə 14 oktyabr tarixində SOCAR öz rəsmi səhifəsində məlumat yayıb.
Həmin dövrdə şirkət tərəfindən 20 min metrdən artıq qazma işi görülüb. Bu da ötən ilin eyni dövrü ilə müqayisədə 82% çoxdur.
2021-ci ilin iyul-sentyabr aylarında şirkət tərəfindən 4,5 milyon ton neft ixrac edilib. Bu göstərici 2020-ci ilin göstəricilərindən 22% yüksəkdir. Təbii qazın ixracının həcmi də 48% artaraq 4,4 milyard kubmetr təşkil edib.
Hesabat dövründə ölkə daxilində 2,4 milyard kubmetr qaz istehlak olunub.
Ümumilikdə 2021-ci ilin 3-cü rübündə ölkə üzrə 8,7 milyon tona yaxın neft və 11,3 milyard kubmetrdən artıq qaz hasil edilib.
