Azərbaycan Dövlət Neft Şirkəti (SOCAR) Yaponiyanın JOGMEC şirkəti ilə Şamaxı-Qobustan neftli-qazlı rayonunun “Ütəlgi” bloku üzrə 2D seysmik kəşfiyyat işlərinin aparılmasına dair müqavilə imzalayıb. Bu barədə 31 yanvar tarixində Report məlumat verib.
Müqaviləyə əsasən, Ütəlgi” blokunda 628 xətti kilometr həcmində 2D seysmik kəşfiyyat işləri aparılacaq. Sahədə 5 ədəd 100 metrlik və 91 ədəd 30 metrlik quyular qazılacaq.
Qeyd edək ki, kəşfiyyat işlərinin bu ilin aprel ayında başlanılması, avqust-sentyabr aylarında isə yekunlaşdırlması planlaşdırılır.
