Zəngilan rayonunun Ağalı kəndində son bir ildə görülən işlərlə bağlı videoçarx hazırlanıb. Videonu Azərbaycan Jurnalistlər Şəbəkəsi İctimai Birliyi çəkib.
Kadrlarda kəndin 2021-ci il yanvarın 25-nə və 2022-ci ilin yanvarın 25-nə olan vəziyyəti öz əksini tapıb. Videoda Ağalı kəndində işğal zamanı dağıdılan evlərin yerində müasir yaşayış evlərinin tikildiyini görmək olar.
Qeyd edək ki, “Ağıllı kənd” layihəsində Türkiyə, İsrail, İtaliya və Çinin qabaqcıl şirkətləri iştirak ediblər. Tikinti işləri 110 hektardan çox ərazidə aparılıb. Burada 200 fərdi ekoloji ev, ikimərtəbəli 4 qeyri-yaşayış binası, 360 şagird üçün məktəb və 60 yerlik uşaq bağçası inşa edilib.
