Azərbaycanlıların təxliyəsi üçün Moldovaya Fövqəladə Hallar Nazirliyi, Daxili İşlər Nazirliyi və Dövlət Miqrasiya Xidmətinin 17 əməkdaşından ibarət heyət göndərilib. Bu haqda martın 10-da Xarici İşlər Nazirliyindən məlumat verilib.
Heyət martın 7-də Kişineu şəhərinə ezam olunub. Həmin ölkədəki Səfirliyimiz və qeyd olunan dövlət orqanlarının nümayəndələrindən ibarət yaradılmış əlaqələndirmə mərkəzi işə başlayıb.
Qurum tərəfindən vətənə qayıtmaq üçün sənədlər hazırlanır, təxliyə olunanların çarter reysləri və avtobuslarla yola salınması təmin olunur. Təxliyə prosesində əsas prioritet uşaq, qadın, ahıl və əlillərə verilir.
Bildirilib ki, əlaqələndirmə qərargahı Polşada da yaradılacaq. Bu məqsədlə martın 9-da anoloji heyət Varşava və Katoviçe şəhərlərinə göndərilib.
