Sumqayıt-Yalama dəmir yolunun daha bir sahəsi yenidənqurmadan sonra istifadəyə verilib. Bu barədə martın 9-da “Azərbaycan Dəmir Yolları” ASC-dən məlumat verilib.
Yenidənqurma işlərinin 25,62%-i artıq tamamlanıb. Abşeron yarımadasını respublikanın Şimal sərhədi ilə birləşdirən yolun ox üzrə uzunluğu 167,7 kilometr, açılmış uzunluğu isə 362,8 kilometr təşkil edir.
Yenidənqurma işlərinə 2020-ci ilin fevral ayında start verilib.
“Sumqayıt-Yalama dəmir yolu xəttinin yenidən qurulması yükdaşıma və sərnişindaşıma fəaliyyətlərində vaxta qənaət, nəqliyyat vasitələrinin və infrastrukturun istismarı xərclərində qənaət, ətraf mühitə təsirin azaldılması kimi faydalar gətirəcək”, - deyə ASC-dən əlavə edilib.
[URIS id=36043]
