Sumqayıtda 84 yaşlı kişi itkin düşüb. Bu haqda martın 14-də Daxili İşlər Nazirliyindən (DİN) Report-a məlumat verilib.
Xəzər bağlar massivində yaşayan Hüseynov Yunis İxtiyar oğlu 2020-ci il yanvarın 31-də evdən çıxaraq bir daha geri qayıtmayıb. Onun yaddaş pozğunluğu olması ehtimal edilir.
Əlamətləri: 165 santimetr boyu, arıq bədən quruluşlu, qısa ağ saçlı, gözləri qəhvəyi rənglidir. Evdən çıxarkən əynində qara rəngli qış gödəkçəsi, cins şalvar, qəhvəyi rəngli pulover, qara papaq, qara ayaqqabı olub.
Bu şəxs barəsində məlumatları olanlar DİN-in "102 - Zəng Mərkəzi”nə, Sumqayıt Şəhər Polis İdarəsinə (+99418) 654-02-02 və (050) 210-31-40 nömrələrinə zəng edə bilərlər.
