Sumqayıtda qadını qətlə yetirməkdə təqsirləndirilən şəxsin cinayət işi üzrə məhkəmə iclası başlayır. Bu haqda 12 yanvar tarixində Report məlumat yayıb.
İş baxılması üçün Sumqayıt Ağır Cinayətlər Məhkəməsinə göndərilib. Məhkəmənin hazırlıq iclasının vaxtı məlum deyil.
Hadisə ötən il iyulun 23-də şəhərin H.Z.Tağıyev qəsəbəsi ərazisində baş verib. 1993-cü il təvəllüdlü Ağabəy Atabalayev aralarında yaranan münaqişə zamanı qonşusu olan qadını bıçaqlayaraq öldürüb.
Faktla bağlı “qəsdən adam öldürmə” maddəsi ilə cinayət işi başlanıb.
Azərbaycanda 2021-ci ilin 9 ayı ərzində baş verən qəsdən adam öldürmə cinayətləri nəticəsində 51 qadın həyatını itirib. Vətəndaşlar qadına qarşı zorakılıq halları ilə üzləşdikdə Baş Prokurorluğun “961” Çağrı Mərkəzinə müraciət edə bilərlər.
