Sumqayıtda qadının evindən içərisində 4 900 manat olan pulqabı oğurlanıb. Bu haqda aprelin 27-də Daxili İşlər Nazirliyinə istinadən Report xəbər verib.
Hadisə aprelin 23-də saat 5 radələrində “BTZ” bağlar sahəsində yerləşən evdə baş verib. Zərərçəkmişin ifadəsinə əsasən, dörd nəfər evə daxil olaraq onu bıçaqla hədələyib və dolabdakı pulqabını oğurlayıb.
Keçirilən əməliyyat nətiəsində quldurluğu törətməkdə şübhəli bilinən, əvvəllər məhkum olunmuş iki Sumqayıt şəhər sakini saxlanılıb.
Faktla bağlı araşdırma davam edir.
