Sumqayıtda baş verən yanğında zərər çəkmiş 2 nəfər xəstəxanadan ambulator müalicə üçün buraxılıb. Bu barədə TƏBİB-in rəsmisi Report-a məlumat verib.
Yanğınla bağlı Təcili Tibbi Yardım Xəstəxanasına 9 daxilolma qeydə alınmışdı. Onlardan 7-nə ilkin tibbi yardım göstərilərək ambulator müalicə üçün buraxılmışdı.
Qeyd edək ki, yanğın hadisəsi aprelin 28-i axşam saatlarında şəhərin “Azərsun Sənaye Parkı“ kompleksinin ərazisində baş verib. Yanğın bu gün səhər saatlarında söndürülüb.
***
11:37
Sumqayıtda baş verən yanğınla bağlı Təcili Tibbi Yardım Xəstəxanasına 9 daxilolma qeydə alınıb. Bu barədə aprelin 29-da TƏBİB məlumat yayıb.
7 nəfərə ilkin tibbi yardım göstərilərək ambulator müalicə üçün buraxılıb. 2 nəfər tüstüdən yüngül zəhərlənmə diaqnozu ilə müşahidə altındadır. Həyatları üçün heç bir təhlükə yoxdur.
Qeyd edək ki, “Azərsun Sənaye Parkı”nda baş verən yanğın 28 aprel axşam saatlarında başlayıb və artıq söndürülüb.
