Şuşada ümumi tutumu 7 milyon kubmetr olan su anbarının yaradılması ilə bağlı sənədlər hazırlanır. Bu barədə 23 aprel tarixində Report “Azərsu” ASC-nin nümayəndəsinə istinadən bildirib.
Onun sözlərinə görə, anbarın yaradılma məqsədi Şuşa şəhərinin dayanıqlı su ilə təmin edilməsidir.
Nümayəndə bildirib ki, Şuşa işğaldan azad olunduqdan sonra şəhəri su ilə təmin edən Kiçik Kirs və Zarıslı mənbələrinin fəaliyyəti qısa müddət ərzində bərpa edilib.
