Dövlət ümumi təhsil müəssisələrində və peşə təhsili müəssisələrində çalışan işçilərin əməkhaqları qaldırılıb. Bu barədə 17 dekabr tarixində Prezident İlham Əliyev sərəncam imzalayıb.
Belə ki, ümumi təhsil müəssisələrində işləyən müəllimlərin, direktor və direktor müavinlərinin aylıq vəzifə maaşları orta hesabla 20%, gənclərin çağırışaqədərki hazırlıq rəhbərlərinin aylıq vəzifə maaşları orta hesabla 40% artırılıb.
Həmçinin peşə təhsili müəssisələrində çalışan müəllimlərin, idarəetmə və təlim fəaliyyəti ilə məşğul olan işçilərin aylıq vəzifə maaşları orta hesabla 20%, fiziki tərbiyə rəhbərlərinin aylıq vəzifə maaşları orta hesabla 30%, gənclərin çağırışaqədərki hazırlıq rəhbərlərinin aylıq vəzifə maaşları orta hesabla 40% qaldırılıb.
Qeyd edək ki, Azərbaycanda 2022-ci ilin 1 yanvar tarixindən minimum aylıq əməkhaqqı 300 manat təşkil edəcək.
