“Minecraft Global Challenge 2021” çərçivəsində III-XI sinif şagirdləri üçün “Qarabağı birlikdə quraq!” ölkədaxili müsabiqə keçirilir. Bu haqda noyabrın 12-də Təhsil Nazirliyi məlumat verib.
Müsabiqənin şərtlərinə əsasən, Virtual məktəb hesabı olan hər bir şagird Qarabağın tarixi və mədəniyyətinə dair araşdırma apararaq, işğal zamanı dağıdılmış tarixin və mədəniyyətin bərpası ilə bağlı öz “Minecraft” dünyasını hazırlamalıdır.
Müsabiqənin məqsədi şagirdlərdə məntiqi və tənqidi düşüncə, proqramlaşdırma və kodlaşdırma bacarıqlarını formalaşdırmaqdır.
Qaliblər ölkəni beynəlxalq müsabiqədə təmsil edəcəklər.
İşlərin qəbulu noyabrın 30-dək aparılacaq.
