Ötən sutka ərzində 46 yanğına çıxış, 6 köməksiz vəziyyətdə qalma və 1 avtonəqliyyat qəzası faktı üzrə xilasetmə əməliyyatları həyata keçirilib. Bu barədə yanvarın 31-də Fövqəladə Hallar Nazirliyindən (FHN) məlumat verilib.
Ümumilikdə, FHN-in qüvvələri tərəfindən 6 nəfər xilas olunub, yanğın zamanı 5 nəfər təhlükəsiz əraziyə təxliyə edilib.
Həmçinin Cəlilabadda minik avtomobilinin kanala düşməsi nəticəsində deformasiyaya uğrayan nəqliyyat vasitəsində sıxılı vəziyyətdə qalmış şəxsin meyiti aşkar edilib. Bakı və Sumqayıt şəhərlərində iki nəfərin meyiti bağlı qapı arxasında aşkar edilərək aidiyyəti üzrə təhvil verilib.
