Yaxın zamanlarda Azərbaycan, Türkmənistan və Türkiyə prezidentlərinin görüşü baş tutacaq. Bu barədə Türkmənistan Prezidenti Qurbanqulu Berdiməhəmmədov noyabrın 10-da məlumat verib.
Məlumata əsasən, üç ölkə arasında enerji, nəqliyyat, kommunikasiya və digər strateji istiqamətlər üzrə üçtərəfli əməkdaşlıq müzakirə olunacaq.
”Nəqliyyat sahəsində Əfqanıstan-Türkmənistan-Azərbaycan-Gürcüstan-Türkiyə marşrutu üzrə layihə həyata keçirilə bilər”, - deyə Q. Berdiməhəmmədov qeyd edib.
Türkmənistan Prezidentinin sözlərinə görə, üç ölkənin potensialının bir araya gətirilməsi, ümumi resurslardan, coğrafi, sənaye və texnoloji imkanlardan istifadə bütün Avrasiya məkanında yeni perspektivlər yarada bilər.
İlham Əliyev, Qurbanqulu Berdiməhəmmədov və Rəcəb Tayyib Ərdoğanın görüşü daha öncə, 2021-ci ilin avqust ayında Türkmənistanın "Avaz" milli turizm zonasında keçirilməli idi.
